38 Views
अरे सुणे ह के
अरे मरजाणी सुण ले
अरे कानाफूटी सुणले
अरे ओ कसम काटी सुणले
हेला मारतां मारतां
मुंडो दुखे लागो
पर या किसी सुण लेवे
अरे सुणे ह रे बापकाणा
बोलूं तो हूं
कान तेरा फूटग्या दिखे
ओर कियां बोलूं
कानां मं डूजो दिखे
साला रांडूल्या
कान फूटेड़ा है के
हां हां सुणे ह मालजादी
मेरा भाग फूटेड़ा हां
जीको तूं मेरा गेल लागी
अब पिंडो छुड़ा कर
चल्यो जास्यूं
किच किच ओर कोनी शुणुं
जाओ निकलो
करो मुंडो कालों
कठे ढ़ोई मिले तो
ईयां करतां रात होगी
स्यालो हो ठ्यारी पड़े लागी
रिजाई ही एक ही
सो दोनूं बड़ग्या अर
अर फेर दिन उग्यायो
अर आप आप क काम लागग्या.
फेरों सिंजा होई अर फेरुं
बई घोड़ा अर बई मैदान
अरे ओ रामार्या
अरे ओ मुंडी टूट्या
अरे ओ मोल्या………………..
मुरारी केडिया
7002971788 &
9435033060.
वि.द्र.होली पर विशेष .…..